Проектот за споделување на автомобили, како што пишува Арсовска во објавата на Фејсбук, е проект започнат со приватна компанија и претпријатијата на Град Скопје
Наместо да дојде во Чаир, таму каде што е најповикан заедно со неговата „принцеза на дивоградбите“, Изет Меџити се исмева со граѓаните додека промовира туѓи проекти – вели градоначалничката на Скопје, Данела Арсовска, откако првиот вицепремиер и министер за животна средина денеска го промовираше проектот за изнајмување на електрични автомобили во главниот град.
Проектот за споделување на автомобили, како што пишува Арсовска во објавата на Фејсбук, е проект започнат со приватна компанија и претпријатијата на Град Скопје.
„’Храбриот’ Меџити никаде го нема да се соочи на терен со мене за дивоградбите кои тој и Висар Ганиу со години спротивно на закон ги граделе и легализирале во Чаир, со фалсификување на документи и одобренија за тие дивоградби. Срам за Македонија и оваа влада се Изет Меџити и Висар Ганиу. Замислете, човек кој стои позади стотици дивоградби, ставил во ризик илјадници граѓани, фалсификувал документи со својот измеќар, сега е вицепремиер и промовира туѓи проекти пред медиумите и граѓаните“,
пишува Арсовска во објавата на Фејсбук.
Првиот вицепремиер и министер за животна средина Изет Меџити и министерката за енергетика Сања Божиновска денеска го промовираа концептот на споделување на возила „Car sharing“ како значаен чекор кон одржлив урбан транспорт и намалување на загадувањето.