Вчера, пак, лидерот на ВМРО-ДПМНЕ, Христијан Мицкоски, повика на обединување на опозицијата за уривање на власта
Лидерот на Левица, Димитар Апасиев, со цитат од Фидел Кастро преку социјалните мрежи, упати порака дена нема да коалицира со партии кои имаат дамки во своето работење.
„Првата политичка партија во која учествувал Кастро е партијата Ортодоксо. Тогаш освојуваат само 2 (две) пратенички места во кубанскиот парламент. Ставот на младиот стратег Фидел е: ’Не смее да има никакво коалицирање со партии кои имаат дамки во своето работење! КОАЛИЦИРАЊЕТО ЌЕ ЈА РАЗВОДНИ ИДЕОЛОГИЈАТА. Од тоа корист ќе имаат само нашите ривали‘“,
порачува Апасиев.
Вчера, пак, лидерот на ВМРО-ДПМНЕ, Христијан Мицкоски, на прес-конференција повика на обединување на опозицијата за уривање на власта. Како што рече Мицкоски, изборите покажале дека има сериозно антивладино расположение и незадоволство од власта, а заедничка цел на опозициските гласови е промена на власта, па затоа повика на здружена опозиција на леви, центар и десни партии.
Секоја разлика во опозицијата, рече тој, е помала од заедничката цел – соборување на власта.
„Подавам рака за обединување и здружена опозиција, а тоа го побара и народот на овие избори. Македонија има иднина и мора да победува, на чекор сме сите заедно да направиме големи работи, иднината да дојде сега заеднички сите заедно обединети до целта“,
рече лидерот на ВМРО-ДПМНЕ.