На анкетата имало и прашање „Што мислите, во каква насока се движи земјата“. Речиси половина рекле дека таа се движи во позитивна или до некаде позитивна насока (по 25 отсто за двете). Од друга страна, околу 24 проценти рекле дека државата оди во негативна насока, а нешто помалку од 13 отсто одговориле со „до некаде негативна”. Другите не одговориле на ова прашање
На прашањето „Кој е најголем проблем со кој се соочува Македонија и Владата мора итно да го решава“ најголем дел од испитаниците, 37,5 отсто, рекле дека тоа е криминалот и корупцијата. За 19,7 отсто од испитаниците најголем проблем е економијата и животниот стандард, а потоа се невработеноста, високите цени, квалитетот во образованието, здравството
Над половина граѓани би ги поддржале уставните измени за внесување на бугарското малцинство со одложено дејство, односно да стапат во сила откако земјата ќе стане членка на Европската унија. Ова го покажуваат резултатите од анкетата спроведена од Институтот за политички истражувања Скопје (ИПИС), чиј програмски директор е политичкиот аналитичар Владимир Божиновски.
Според податоците од анкетата, на прашањето „Дали мислите дека треба да се изврши промена на Уставот и да се почнат преговорите со ЕУ доколку промената на Уставот има одложено дејство“, 52 отсто од анкетираните граѓани одговориле со „да“, а 42 отсто дека се „против“ промена на Уставот и со ваков услов.
На анкетата имало прашање и „Дали го поддржувате францускиот предлог“, за што повеќе од половината од испитаниците, односно 53 отсто, одговориле негативно, додека 28 отсто дека го поддржуваат.
На анкетата имало и прашање во која насока се движи државата според мислењето на граѓаните. Речиси половина рекле дека таа се движи во позитивна или до некаде позитивна насока (по 25 отсто за двете). Од друга страна, околу 24 проценти рекле дека државата оди во негативна насока, а нешто помалку од 13 отсто одговориле со “до некаде негативна”. Другите не одговориле на ова прашање.
Испитаниците биле прашани и за рејтингот на актуелната влада, како и за довербата во политичарите.
На прашањето „Какво е вашето мислење за работата на Владата во првите сто дена“, 28,4 отсто одговориле дека тоа е позитивно, а 21,6 отсто дека е негативно. За 27,1 отсто од испитаниците работата на Владата е донекаде позитивна, а за 9,3 отсто донекаде негативна. Со „не знам“ или без одговор биле 13,6 отсто од оние што учествувале во анкетата.
Доколку се земе во предвид работата на Владата во првите 100 дена, 51, 1 отсто од граѓаните сметаат дека таа е подобра од претходната влада на СДСМ и ДУИ, 12,7 отсто дека е полоша, 28,6 дека е иста, а со „не знам“ или без одговор биле 7,6 отсто од испитаниците.
Корупцијата и криминалот најголеми проблеми
На прашањето „Кој е најголем проблем со кој се соочува Македонија и Владата мора итно да го решава“ најголем дел од испитаниците, 37,5 отсто рекле дека тоа е криминалот и корупцијата. За 19,7 отсто од испитаниците најголем проблем е економијата и животниот стандард, а потоа се невработеноста, високите цени, квалитетот во образованието, здравството.
Мицкоски со најголема доверба
Во однос на довербата во политичарите испитаниците, според анкетата на ИПИС, на прво место го ставиле премиерот и претседател на ВМРО-ДПМНЕ Христијан Мицкоски. Но, блиску до оние што најмногу веруваат во Мицкоски се и тие што немаат доверба во ниту еден политичар.
За Мицкоски се изјасниле 27,8 отсто од испитаниците, а оние што не веруваат во никого биле 26,5 отсто.
Другите политичари се далеку зад премиерот Мицкоски според рејтингот.
На второто место е лидерот на Демократската унија за интеграција (ДУИ), Али Ахмети за кого се изјасниле 8,6 отсто од испитаниците. Зад нив е претседателот на Социјалдемократскиот сојуз на Македонија (СДСМ), Венко Филипче во кого веруваат 5,5 отсто од испитаниците.
Најголема доверба од политичарите од партиите во коалицијата „Вреди“, има актуелниот министер за здравство, Арбен Таравари за кого се изјасниле 2,7 отсто од испитаниците. Зад него е собранискиот спикер Африм Гаши во кого веруваат 2,1 отсто, а за тетовскиот градоначалник Билал Касами рекле 1,4 отсто од испитаниците. Во министерот за животна средина и просторно планирање и вицепремиер Изет Меџити рекле дека веруваат 1,9 осто од испитаниците.
На оваа листа со одговори се наоѓаат и експретседателите на земјата Бранко Црвенковски и Стево Пендаровски, кои добиле доверба од 1,5 односно 1,1 отсто од испитаниците. Со ист рејтинг е и бегалецот и екслидер на ВМРО-ДПМНЕ, Никола Груевски, во кого рекле дека веруваат 1,1 отсто од испитаниците.
За ВМРО-ДПМНЕ би гласале 26 отсто, а по седум отсто за СДСМ, ДУИ и „Вреди“
Според анкетата, на прашањето „Доколку се одржат парламентарни избори за која партија би гласале“, 26 отсто од испитаниците рекле дека тоа е ВМРО-ДПМНЕ, а за СДСМ би гласале 7 проценти. Исто толкав процент на испитаници, 7 отсто, рекле дека ќе гласаат за ДУИ и за коалицијата „Вреди“.
На истото прашање, гласот за Левица би го дале пет отсто, за ЗНАМ – два отсто, а за Алијанса на Албанците предводена од Зијадин Села рекле дека ќе гласаат еден отсто.
На ова прашање, 23 отсто од испитаниците рекле дека нема да гласаат, седум отсто биле неодлучни. 14 отсто од испитаниците одбиле да одговорат на ова прашање.
Резултатите, според ИПИС, се добиени од две анкети, на кои се барале одговори на различни прашања.
Првата, теренска, била спроведена а 1 005 испитаници во октомври, а втората била телефонска и се извела меѓу 9 и 13 октомври на репрезентативен примерок од 1 200 испитаници.