Андреј од ДНК загина во пожарот во Кочани

Штипската телевизија ТВ Стар објави дека загинал и Филип Стевановски од Куманово – придружен член на дуото ДНК

Пејачот Андреј Ѓоргиески од групата ДНК загина во пожарот во Кочани, дознава „360 степени“ од болнички извори.

Штипската телевизија ТВ Стар објави дека загинал и Филип Стевановски од Куманово – придружен член на дуото ДНК.

Како што претходно објавивме, во пожарот загина и тапанарот на ДНК, Горги Горгиевски, од
Струмица, а се трага по Сара Пројковска, придружен вокал на групата.

Почина тапанарот на ДНК, на Фејсбук се бараат информации за придружниот вокал на групата Сара

Во пожарот во дискотеката „Пулс“ во Кочани загинаа најмалку 59 луѓе, а 155 се повредени. За четири лица е распишана централна потерница, информираше министерот за внатрешни работи Панче Тошковски.