Според Ројтерс, водачите на заедницата на Хаити низ САД рекле дека коментарите на Трамп за имигрантите кои јадат домашни миленици може да ги загрозат животите и дополнително да ги разгорат тензиите во малиот град Спрингфилд, Охајо. Во последните месеци таму пристигнаа илјадници имигранти од Хаити
Американските Хаиќани изјавија дека се плашат за својата безбедност откако поранешниот претседател и актуелен републикански кандидат за Белата куќа, Доналд Трамп, за време на претседателската дебата со својата опонентка, кандидатката на демократите Камала Харис, го повтори лажното и погрдно тврдење за имигрантите во Охајо. Трамп рече дека некои имигранти во Охајо јадат кучиња и мачки.
Според Ројтерс, водачите на заедницата на Хаити низ САД рекле дека коментарите на Трамп за имигрантите кои јадат домашни миленици може да ги загрозат животите и дополнително да ги разгорат тензиите во малиот град Спрингфилд, во Охајо. Во последните месеци таму пристигнаа илјадници имигранти од Хаити.
“They’re eating the dogs, the people that came in, they’re eating the cats… they’re eating the pets of the people that live there.”
— LakeShowYo (@LakeShowYo) September 11, 2024
– Trump on undocumented immigrants 💀
pic.twitter.com/YaIK2vRlBo
„Мораме да внимаваме каде одиме“,
изјавил Вилес Дорсаинвил, посочувајќи дека центарот на заедницата на Хаити што тој го води во Спрингфилд добил заканувачки телефонски повици.
Негативната атмосфера поттикнала еден од неговите пријатели кој работи во складиште на „Амазон“, да размислува за заминување.
„Тој рече дека работите сега излегуваат од контрола; начинот на кој луѓето се однесуваат со нас“,
додал Дорсаинвил.
Тврдењето на Трамп дека имигрантите „јадат мачки и кучиња“ е последното во долгата низа лаги за имигрантите што ја дефинираа неговата политичка кариера. Ова уследи по сличното лажно тврдење што го рашири неговиот противкандидат, американскиот сенатор Џ. Д. Венс од Охајо на социјалните мрежи за новите жители на Спрингфилд.
Градските власти информираат дека не добиле никакви веродостојни извештаи дека некој јадел домашни животни. Карен Грејвс, портпаролка на градот, рече дека нема конкретни информации за заканите кон имигрантите, но дека не ги отфрла тврдењата.
Наводно, некои родители објавиле како нивните деца биле изложени на малтретирање, напади и заплашувања пред нивните домови и на училиште, заедно со расистичка реторика на социјалните мрежи.