Американски воен авион со четири члена на екипажот се урна за време на вежба на НАТО

Несреќата се случила во северна Норвешка додека траела вежбата „Студен одговор“

Американски воен авион со четворица членови на екипажот се урна за време на воена вежба на НАТО во северна Норвешка, соопштија норвешките Здружени координативни центри за спасување.

Не е позната судбината на екипажот, изјави портпаролот на спасувачките центри.

Авионот од типот В-22 Оспри учествувал во вежбата на НАТО „Студен одговор“ кога околу 18.30 часот било пријавено неговото исчезнување, изјавиле за Ројтерс од центарот за спасување.

Како што се наведува, леталото учествувало во вежбата и требало да слета во 18 часот. Временските услови во зоната за вежбање беа лоши и се влошуваа.

„Го најдовме од воздух, откако примивме сигнал за помош“,

изјавиле од центарот.