Украинскиот секретар за национална безбедност Рустем Умеров на социјалната мрежа Икс објави дека делегациите постигнале заедничко разбирање за клучните услови на договорот дискутиран во Женева. Самиот Зеленски рано утринава на Икс објави дека по состаноците во Женева гледаат перспективи што можат да го направат патот кон мирот реален
Украинска делегација постигна договор со САД за условите на потенцијален мировен договор со Русија, јави БТА повикувајќи се на американските телевизиски мрежи Еј-би-си, Си-би-ес и Си-ен-ен кои цитирале претставници на американската влада.
Министерот за одбрана на САД, Ден Дрискол, вчера одржа тајни разговори со руска делегација во Абу Даби, ОАЕ, како продолжение на разговорите со Украина во Женева за време на викендот, кои имаа за цел унапредување на мировниот процес во Украина, информира извор што го цитира Еј-би-си.
„Украинците се согласија со мировниот договор. Постојат некои мали детали што треба да се разработат, но тие се согласија со мировниот договор“,
рекол тој.
Вчерашните разговори со руската делегација, кои претходно не беа најавени, следуваа по разговорите одржани за време на викендот во Женева меѓу САД и Украина и се уште еден знак дека новата американска иницијатива за рестартирање на мировниот процес во Украина напредува, забележува Еј-би-си.
„Во понеделникот попладне и вечерта и во текот на целиот вторник, секретарот Дрискол и неговиот тим беа во разговори со руската делегација за постигнување траен мир во Украина. Разговорите одат добро и ние остануваме оптимисти. Министерот Дрискол тесно соработува со Белата куќа и сите американски институции додека напредуваат разговорите“,
изјави денеска потполковник Џефри Толберт, портпарол на американската војска.
Украинскиот секретар за национална безбедност Рустем Умеров, на социјалната мрежа Икс објави дека делегациите постигнале заедничко разбирање за клучните услови на договорот дискутиран во Женева.
„Сега сметаме на поддршката од нашите европски партнери во нашите понатамошни чекори“,
напиша Умеров.
Тој додаде дека Украина со нетрпение очекува да ја организира посетата на Зеленски на Соединетите Држави за да ги заврши последните чекори и да постигне договор со претседателот (Доналд) Трамп.
We appreciate the productive and constructive meetings held in Geneva between the Ukrainian and U.S. delegations, as well as President Trump’s steadfast efforts to end the war.
— Rustem Umerov (@rustem_umerov) November 25, 2025
Our delegations reached a common understanding on the core terms of the agreement discussed in…
Самиот Зеленски рано утринава на Икс објави дека по состаноците во Женева гледаат перспективи што можат да го направат патот кон мирот реален.
„Денес нашата делегација се врати од Женева по преговорите со американската страна и европските партнери. Сега списокот на потребни чекори за завршување на војната може да стане остварлив. Засега, по Женева, има помалку точки – повеќе не се 28 – и многу од вистинските елементи се земени предвид во оваа рамка. Сè уште има работа што сите ние треба да ја завршиме заедно за да го финализираме документот и мора да направиме сè со достоинство. Цениме дека поголемиот дел од светот е подготвен да ни помогне и дека американската страна пристапува кон ова конструктивно. Практично целиот ден вчера беше исполнет со состаноци – и тоа беше предизвикувачка, исклучително темелна работа“,
напиша Зеленски.
Today our delegation returned from Geneva after negotiations with the American side and European partners. Now the list of necessary steps to end the war can become doable. As of now, after Geneva, there are fewer points – no longer 28 – and many of the right elements have been… pic.twitter.com/bsaKyNXHQH
— Volodymyr Zelenskyy / Володимир Зеленський (@ZelenskyyUa) November 24, 2025
Ниту Украина ниту Русија официјално не го потврдија присуството на своите делегации во Абу Даби.
Делегацијата на САД на преговорите во Женева ја предводеа државниот секретар Марко Рубио, специјалниот пратеник Стив Виткоф и министерот Дрискол.