Се надеваме дека ќе ги ставите разликите настрана и ќе поддржите целосна политичка интеграција на Северна Македонија и Албанија во ЕУ, пишува во писмото од конгресмените испратено до бугарскиот амбасадор во САД
Повеќе од десетина конгресмени од Комитетот за надворешни работи на Претставничкиот дом на САД со отворено писмо до амбасадорот на Бугарија во Вашингтон, Тихомир Стојчев, побараа да се реши билатералниот спор со Северна Македонија, за да може државата да ги почне преговорите со Европската Унија до крајот на годината.
„Членовите на Конгресот препознаа дека, и покрај тоа што Северна Македонија и Албанија ги исполнија условите за почеток на пристапните преговори со Европската унија, останува спор меѓу вашата земја и Северна Македонија што ги спречува Албанија и Северна Македонија да ги започнат овие разговори“,
пишува во писмото.
Today my colleagues and I sent a letter to the Bulgarian Ambassador to the US, Tihomir Stoytchev, urging #Bulgaria to find a resolution to the dispute that is preventing #NorthMacedonia and #Albania from starting #EU accession talks. Read our letter: @EmbassyBGinUSA @EUintheUS pic.twitter.com/uIOTBeXTWz
— Congressman Bill Keating (@USRepKeating) November 18, 2021
Во писмото, членовите на Конгресот, меѓу кои демократскиот конгресмен од Масачусетс, Бил Китинг и републиканската конгресменка од Њујорк, Клаудија Тени, додаваат и дека натамошното одложување на прогресот на Северна Македонија и Албанија кон ЕУ ќе фрли сомнеж врз заложбите на западните лидери и ќе отвори врата за антизападни политички влијанија во регионот, конкретно од Кина и од Русија.
„Веруваме дека евентуалното ЕУ членство за Северна Македонија и Албанија е клучно за долгорочните мир и стабилност во балканскиот регион и за целата трансатлантска заедница…Се надеваме дека ќе ги ставите разликите настрана и ќе поддржите целосна политичка интеграција на Северна Македонија и Албанија во Европската Унија“,
пишува во писмото на конгресмените испратено до бугарскиот амбасадор во Америка.