Здравствените регулатори во неколку земји испитуваат случаи на миокардитис и перикардитис, најчесто кај млади мажи, по вакцинирањето со вакцините против ковид-19 на „Фајзер“ и на „Модерна“ и кои се базираат на mRNA технологијата
Американската администрација за храна и лекови додаде предупредување за вакцините „Фајзер/Бионтех“ и „Модерна“ против ковид-19, за можен ризик од ретки срцеви проблеми (најчесто – воспаление на срцевиот мускул) по употребата, објавија американските и светските медиуми.
Today, we announced revisions to the patient & provider fact sheets for the Moderna & Pfizer-BioNTech #COVID19 vaccines regarding the suggested increased risks of myocarditis and pericarditis following vaccination. Moderna: https://t.co/kDVRqJoj5G Pfizer: https://t.co/awuPmZccd5
— U.S. FDA (@US_FDA) June 26, 2021
За секоја од вакцините, брошурата со информации за лекот е дополнета со предупредување дека има извештаи за компликации што укажуваат на зголемен ризик од миокардитис и перикардитис, особено по втората доза, со симптоми што се појавуваат неколку дена по вакцинацијата.
Заклучно со 11 јуни, пријавени се 1 200 случаи на миокардитис и перикардитис во системот за несакани појави по аплицирање на тие вакцини во САД каде досега се ставени околу 300 милиони mRNA вакцини.
Според пријавените случаи, се чини дека овие симптоми се значително почести кај мажите и во недела по втората доза. Центрите за контрола на болести идентификувале 309 хоспитализирани пациенти со воспаление на срцев мускул, од кои 295 се веќе отпуштени.
Здравствените регулатори во неколку земји испитуваат случаи на миокардитис и перикардитис, најчесто кај млади мажи, по вакцинирањето со вакцините против ковид-19 на „Фајзер“ и на „Модерна“ и кои се базираат на mRNA технологијата.
Најновото ажурирање на информациите од ФДА следи по обемниот преглед на информации и дискусии од состанокот на Советодавниот комитет на ЦДЦ за практики на имунизација во средата.
Се уште нема коментар од „Фајзер“ и „Модерна“.