Министерот за одбрана на САД, Пит Хегсет одобри доброволно заминување на членовите на семејствата на воениот персонал од локации низ Блискиот Исток
Американската амбасада во Ирак се подготвува за организирана евакуација поради зголемени безбедносни ризици во регионот, пренесува Ројтерс.
Иранскиот министер за одбрана Азиз Насирзаде претходно изјави дека Техеран ќе ги нападне американските бази во регионот доколку дојде до конфликт со Вашингтон.
Од Стејт департментот информираа дека се планира организирано заминување на персоналот од американската амбасада во Багдад.
Според американските медиуми, тоа е планирано да се изврши преку комерцијални летови, но американската војска е подготвена да помогне доколку тоа се побара од неа.
Засега нема наредба за евакуација на вработените или семејствата поврзани со американската амбасада во Катар.
Министерот за одбрана на САД, Пит Хегсет одобри доброволно заминување на членовите на семејствата на воениот персонал од локации низ Блискиот Исток.
Американскиот претседател Доналд Трамп во интервју објавено денеска изјави дека е помалку убеден оти Иран ќе се согласи да го запре збогатувањето ураниум, како дел од нуклеарниот договор со Вашингтон.
Трамп постојано се закануваше дека ќе го бомбардира Иран доколку не се согласи со нов нуклеарен договор.