Американскиот секретар за здравство и социјални услуги, Роберт Ф. Кенеди Џуниор, претходно денеска изјави дека САД веќе нема да ја финансираат ГАВИ и ја обвини алијансата дека ја игнорира безбедноста кога станува збор за вакцините
Глобалната алијанса за вакцини (ГАВИ) обезбеди 9 милијарди долари за вакцинирање на најсиромашните деца во светот во следните пет години, изјави претседателот на одборот на организацијата, Жозе Мануел Баросо.
Организацијата ја објави вкупната сума на крајот од донаторскиот самит во Брисел. Износот ги вклучува донациите од донатори како што се Обединетото Кралство и Фондацијата Гејтс, како и парите што останаа од пандемијата ковид-19. Сумата не ја вклучува донацијата од САД.
Американскиот секретар за здравство и социјални услуги, Роберт Ф. Кенеди Џуниор, претходно денеска изјави дека САД веќе нема да ја финансираат ГАВИ и ја обвини алијансата дека ја игнорира безбедноста кога станува збор за вакцините.
ГАВИ одговори велејќи дека безбедноста е нејзин приоритет.