Стејт департментот не ја наведе причината за нејзиното повлекување од функцијата
Американската амбасадорка се соочи со критики од украинскиот претседател Володимир Зеленски за нејзиниот одговор на минатонеделниот руски ракетен напад врз украинскиот град Криви Рих, во кој загинаа 20 лица
Амбасадорката на САД во Украина, Бриџит Бринк, поднесува оставка по три години на функцијата, објави американскиот Стејт департмент. Амбасадорката се очекува да ја напушти функцијата во наредните недели.
„Амбасадорката Бринк ја напушта функцијата. Таа беше амбасадорка три години. Тоа е долго време во воена зона“,
изјави портпаролката на Стејт департментот, Тами Брус.
Стејт департментот не ја наведе причината за нејзиното повлекување од функцијата. Цитирајќи свои извори, британската новинска агенцијата Ројтерс објави дека потегот бил нејзина волја.
Американската амбасадорка се соочи со критики од украинскиот претседател Володимир Зеленски за нејзиниот одговор на минатонеделниот руски ракетен напад врз украинскиот град Криви Рих, во кој загинаа 20 лица.
Во објавата на социјалните мрежи за нападот на 4 април, Бринк не ја спомена Русија како одговорна.
„Ужасната сум што вечерва балистичка ракета погоди во близина на игралиште и ресторан во Криви Рих. Повеќе од 50 лица се повредени, а 16 загинаа, меѓу кои и шест деца. Затоа војната мора да заврши“,
напиша амбасадорката на САД во Украина по нападот во Криви Рих на 4 април.
Horrified that tonight a ballistic missile struck near a playground and restaurant in Kryvyi Rih. More than 50 people injured and 16 killed, including 6 children. This is why the war must end. pic.twitter.com/DOQlyw8C7u
— Ambassador Bridget A. Brink (@USAmbKyiv) April 4, 2025
Нејзината реакција го натера Зеленски да изрази разочарување.
„За жал, реакцијата на американската амбасада е непријатно изненадувачка – толку силна земја, толку силен народ – и толку слаба реакција. Тие дури се плашат да го кажат зборот ‘руски’ кога зборуваат за ракетата што уби деца“,
забележа Зеленски коментирајќи ја објавата на американската амбасадорка, додавајќи дека за да се стави крај на војната работите треба да се нарекуваат со своите вистински имиња.
Бриџит Бринк беше назначена за амбасадорка на САД во Украина од страна на поранешниот американски претседател Џо Бајден и е во Киев од мај 2022 година. Управуваше со американско-украинските односи за време на критичниот период обележан со сеопфатната инвазија на Русија на Украина.