Честитка до американскиот народ испрати и претседателот Пендаровски, нагласувајќи дека С Македонија во САД гледа пријател, сојузник и стратешки партнер
Амбасадата на САД во Скопје организира прослава по повод државниот празник 4 Јули- Денот на независноста. По ланското, ова е второ виртуелно одбележување на независноста на американсата нација, прогласен ана 4 јули 1776 година, кога е усвоена Декларацијата за независност
Прославата ќе биде пренесувана директно на фејсбук страницата на Амбасадата и на ТВ Канал, со почетокот во 20:40 часот. Оние кои се во Скопје ќе можат да го видат и традиционалниот огномет по повод 4 Јули, на Калето во 21 часот.
Помошник-државниот секретар на САД задолжен за Европа и Евроазија, Филип Рикер, на завршната прес-конференција од првото издание на „Преспа Форум Дијалог“ во Охрид порача дека САД ги препознава спроведените реформи во Северна Македонија, а поддршката на присоединувањето на земјата кон Унијата го посочи како елемент на американската надворешна политика.
„На сите билатерални состаноци што ги водевме тука во Охрид, заедно со колегата Метју Палмер, ја поздравивме препораката од март минатата година ЕУ да почне преговори за пристапување на Северна Македонија и на Албанија, како признание за спроведените реформи. Пристапувањето на Северна Македонија во ЕУ ќе ја зголеми регионалната, но и стабилноста во Европа, како и економските врски во рамки на трансатлантското партнерство. Тоа беше и елемент и на надворешната политика на САД години наназад. Последните одлуки што ги блокираа интегративните процеси на Северна Македонија го поткопуваат кредибилитетот на ЕУ во регионот и во меѓународни рамки. Тоа испраќа погрешен сигнал и зајакнува некои перцепции дека ЕУ го напушта регионот. Не верувам дека тоа е така и затоа порачавме дека е потребно неодложно отпочнување претпристапни преговори и за Северна Македонија и за Албанија“,
рече Рикер.
По однос на стратешкото партнерство меѓу САД и Северна Македонија, тој истакна дека земјата треба да гледа на САД како на најдобар пријател, што е можно кога станува збор за меѓународни односи на две држави.
Македонскиот претседател Стево Пендаровски упати честитка до САД по повод Денот на независноста, нагласувајќи дека С Македонија во САД гледа пријател, сојузник и стратешки партнер.
„Со желби за благосостојба и просперитет, на претседателот Џо Бајден и на пријателскиот американски народ им го честитам 4 јули – Денот на независноста. Во САД освен пријател и сојузник, гледаме и стратешки партнер, кој секогаш ја поддржувал нашата демократија“,
напиша претседателот на Фејсбук.