Пратеникот Скрендер Реџепи повеќе нема да делува како дел од партијата Алтернатива туку како независен.
Тој за оваа одлука испратил и известување до претседателот на Собранието, Талат Џафери. Со тоа, Алтернатива во парламентот ќе остане со тројца пратеници.
До моментот на објавување на овој текст, не усепавме да стапиме во контакт со Реџепи за тоа зошто се одлучил да дејствува како независен и дали тоа значи дека излегува и од владејачкото мнозинство.
Кон крајот на 2021 година Алтернатива која дотогаш беше во опозиција почна преговори со владејачката коалиција на СДСМ и ДУИ, по што одлучи да влезе во Владата која се формираше на почетокот на 2022 година.