Калдерон потврдно одговори на прашањето дали идејата за оваа инвестиција потекнува уште од 2008 година, а посочи дека сега „Алказар енерџи“ доаѓа во момент кога политичкиот прозорец е исправен, а економскиот момент е поволен, за да се тоа може да се реализира, како што рече, на одржлив начин
На прашањето дали земјиштето на ветерниот парк ќе биде откупено или ќе има негов долгорочен закуп, според него, не зависи од нив. Честопати, како што рече, се врши закуп на земјиштетото, односно им се плаќа на локалните заедници низ кои поминува оваа електрана за нејзниот целосен животен век, што, според него, значи тоа ќе биде во следните 20 до 30 години
„Алказар енерџи“ ја гледа Северна Македонија како перспективна локација за инвестирање за обновлива енергија. Ова денеска по презентирањето на новата инвестиција на ветерен парк, што треба да почне да се гради на почетокот на 2026 година, го рече Даниел Калдерон, соосновач и управувачки партнер на „Алказар Енерџи“, кој го претстави проектот и посочи дека проектот претставува клучен чекор во компаниската цел да ја развие најголемата платформа за обновливи извори на енергија во Западен Балкан.
„Возбудени сме што ќе започнеме голем проект за ветерници во Западен Балкан, обезбедувајќи и на Северна Македонија достапна електрична енергија и создавање на локални работни места. ‘Алказар енерџи‘ ја гледа Северна Македонија како перспективна локација за инвестирање на обновлива енергија. Нашата посветеност за развојот на обновливите извори на енергија ја нагласува нашата посветеност на одржлива инфраструктура на пазарите во развој“,
рече тој.
Според него, инвестицијата, што ќе ја надмине бројката од 500 милиони американски долари, како што рече, ќе биде најголема во Македонија, а со тоа и еден од најголемите проекти во Западен Балкан.
Македонскиот капацитет ќе се зголеми за пет пати кога ветерниците ќе бидат целосно оперативни. Финансиското затворање на целата операција и добивањето на потребните дозволи, како што најави, се очекува да заврши во 2025 и изградбата да започне на почетокот на 2026 година.
Калдерон потврдно одговори на прашањето дали идејата за оваа инвестиција потекнува уште од 2008 година, а посочи дека сега „Алказар енерџи“ доаѓа во момент кога политичкиот прозорец е исправен, а економскиот момент е поволен, за да се тоа може да се реализира, како што рече, на одржлив начин.
Времето на изградба е 24 месеци, но според Калдерон, по 20 месеци од изградбата, или веќе во втората половина на 2027 година може да очекуваме, како што рече, да ги видиме првите електрони во мрежата.
На прашањето дали земјиштето на ветерниот парк ќе биде откупено или ќе има негов долгорочен закуп, според него, не зависи од нив. Честопати, како што рече, се врши закуп на земјиштетото, односно им се плаќа на локалните заедници низ кои поминува оваа електрана за нејзниот целосен животен век, што, според него, значи тоа ќе биде во следните 20 до 30 години.
За тоа какви бенефити ќе има државата од оваа инвестиција, Калдерон рече дека тоа ќе бидат „свежи долари кои директно влегуваат во економијата на државата“.
„Тоа ќе значи и создавање на нови работни места, од кои 630 ќе бидат во текот на изградбата, дополнителни 200 места во текот на работата на електраната, значи во следните 20 до 30 години. Потоа ќе се овозможи намалување на цената на електричната енергија. Во 2026 година во Европа се воведува нов данок за јаглерод. Тоа значи дека што повеќе се користи ветер на сончева или хидроенергија, толку помал данок плаќаат производите при нивниот влез во Европа“,
рече тој.
Во официјалното соопштение на „Алказар енерџи“, кое е објавено веднаш по претставување на инвестицијата, се вели дека парите за ветерниот парк инвеститорот треба да ги обезбеди до последниот квартал на 2025 година, а изградбата треба да започне на почетокот на 2026 година. Се проценува дека проектот треба да донесе повеќе од 630 нови работни места во текот на неговата изградба.
„Алказар енерџи“, според информациите објавена од самата организација, има седиште во Луксембург, со советодавен тим во Дубаи. Фондот, на чие чело е соосновачот Даниел Калдерон, се фокусира на проекти поврзани со обновлива енергија на пазари во развој во Европа и во Турција.