Денеска, студентите од седмиот и осмиот блок во студентскиот град во Тирана, почнаа да се иселуваат и да ослободуваат место за првата група Авганстанци
Првите 300 Авганистанци во Албанија треба да пристигнат вечерва пред полноќ, јави МИА.
Врз основа на одлуката на Владата, оваа група бегалци и сите што ќе допатуваат потоа ќе бидат сместени во Тирана и во Драч, во студенски домови, како и во хотели.
Денеска, студентите од седмиот и осмиот блок во студентскиот град во Тирана, почнаа да се иселуваат и да ослободуваат место за првата група Авганстанци, јави МИА.
Во меѓувреме, американската амбасадорка во Тирана, Јури Ким, изјави дека САД тесно соработуваат со албанската Влада за сместување авганистански државјани во Албанија.
По средбата со министерката за Европа и надворешни работи, Олта Џачка, амбасадорката Ким изрази благодарност до албанскиот народ за помошта во овој случај и рече дека авганистанските државјани ќе бидат привремено сместени во Албанија.
Прашана за нивниот број, таа изјави дека се уште нема конкретен број на Авганистанци кои ќе дојдат во Албанија.
„Луѓето ќе дојдат привремено тука, а потоа ќе се населат во САД. Некои се населуваат директно во САД“,
рече амбасадорката Ким.