Нетанјаху вели дека Израел и САД започнале напади за да отстранат егзистенцијална закана што ја претставува Иран
אחיי ואחיותיי אזרחי ישראל, לפני שעה קלה יצאנו ישראל וארה״ב למבצע להסרת האיום הקיומי מצד משטר הטרור באיראן.
— Benjamin Netanyahu – בנימין נתניהו (@netanyahu) February 28, 2026
אני מודה לידידינו הגדול הנשיא דונלד טראמפ על מנהיגותו ההיסטורית.
במשך 47 שנים קורא משטר האייתוללות ״מוות לישראל״, ״מוות לאמריקה״. הוא הקיז את דמינו, רצח אמריקנים רבים וטבח… pic.twitter.com/itTF5b4jB4
Премиерот на Израел, Бенјамин Нетанјаху, објави видеопорака на хебрејски откако со САД започнаа бран напади врз Иран, велејќи дека операцијата е започната за да се отстрани егзистенцијалната закана што ја претставува Исламската Република и да се создадат услови Иранците да ја променат својата судбина.
„Мои браќа и сестри, граѓани на Израел, Израел и Соединетите Американски Држави започнаа операција за отстранување на егзистенцијалната закана што ја претставува терористичкиот режим во Иран. Му се заблагодарувам на нашиот голем пријател, претседателот Доналд Трамп, за неговото историско водство. Четириесет и седум години режимот на ајатолахот извикуваше ‘Смрт за Израел’ и ‘Смрт за Америка’. Тој ја пролеа нашата крв, уби многу Американци и го масакрира сопствениот народ. На овој убиствен терористички режим не смее да му се дозволи да се вооружи со нуклеарно оружје што би му овозможило да го загрози целото човештво“,
вели Нетанјаху.
Тој вели дека заедничката акција на САД и Израел ќе создаде услови храбриот ирански народ да ја земе својата судбина во свои раце.
„Дојде време сите делови од иранскиот народ – Персијците, Курдите, Азербејџанците, Белуџите и Ахвазите – да го отфрлат јаремот на тиранијата и да донесат слободен и мировен Иран“,
кажа Нетанјаху.
Тој ги повика граѓаните на Израел да ги следат упатствата на Командата на домашниот фронт. Претходно Израелските одбранбени сили соопштија дека идентификувалe ракети лансирани од Иран кон територијата на Израел.