Не сум побарал да се почне од другите, почнете од мене, вели лидерот на интегративците
Лидерот на ДУИ Али Ахмети во вечерашното гостувањето во емисијата „Клик плус“ на ТВ21 кажа дека самиот барал и од Специјалното јавно обвинителство (СЈО)и од Основното јавно обвинителство (ОЈО) да отворат случаи за функционери на неговата партија, почнувајќи од него.
Кај него лично вели, не е пријавен ниту еден случај на корупција во кој е вмешан член или функционер на партијата.
„Кај мене не е пријавен ниту еден случај. Јас побарав во Специјалното обвинителство, верувајте, ова е од срце, побарав во Општото обвинителство, господа, отворете истраги за ДУИ, за функционерите на ДУИ, од централно ниво до локално ниво, почнете од мене. Не сум побарал да се почне од другите, почнете од мене“,
вели Ахмети повикувајќи ги и медиумите да отворат истражат случаи за функционери од неговата партија.
За сопствениот имот тој рече дека му е ист како и во 2002 година односно тоа е богатството кое му го оставил татко му. Зборувајќи за корупцијата и за тоа колку милионери има во неговата партија тој исто така ги повика новинарите да се истражуваат и нагласи дека затоа тие бараат да се спроведе и ветинг.
„Колку милионери, нека пријават. Ова го велам со голема искреност. Против лошото не може да се бориме вака. Зашто ние бараме ветинг?! Ние бараме да има ветинг во судови, обвинителство, полиција и за сите политичари. Сите да се вклучат во ветинг. Дај да се солидаризираме“,
рече Ахмети.