Победата на Силјановска денеска ѝ ја честитаа и евроамбасадорот во земјава, Дејвид Гир и еврокомесарот за проширување, Оливер Вархеји
Американската амбасадорка во земјава, Анџела Агелер денеска, преку објава на социјалната мрежа Икс, ѝ ја честита победата на претседателските избори на кандидатката поддржана од ВМРО-ДПМНЕ, Гордана Силјановска-Давкова и нејзиниот, како што пишува, историски избор за прва жена претседател на С Македонија.
Во објавата, Агелер посочува дека САД ќе продолжат да ги поддржуваат целите и евроатлантската интеграција на земјава.
„Моите срдечни честитки до Гордана Силјановска-Давкова за нејзиниот историски избор за прва жена претседател на Северна Македонија. Честитки и за сите оние граѓани кои вчера го искористија своето право да гласаат на претседателските и парламентарните избори. Соединетите Американски Држави ќе продолжат да ги поддржуваат вашите цели за безбедност, просперитет и целосна евроатлантска интеграција на оваа земја“,
напиша Агелер на Икс.
My heartfelt congratulations to Gordana Siljanovska-Davkova on her historic election as the first female president of North Macedonia. Congratulations also to all those citizens who exercised their right to vote yesterday in presidential and parliamentary elections. The United…
— Ambassador Angela Aggeler (@USAmbNMacedonia) May 9, 2024
Силјановска-Давкова, во одговор на честитката на Агелер, порача дека очекува да се обнови духот на македонско-американските односи.
„Со нетрпение очекувам да се обнови духот на македонско-американските односи, да се прошири рамката на нашето стратешко партнерство и соработка, како во евроатлантската димензија, така и на билатерален план“,
напиша идната претседателка.
Dear Ambassador Aggeler,
— Гордана Силјановска Давкова (@gogamkd) May 9, 2024
Thanks for the congratulations. I look forward to renewing the spirit of the Macedonian-American ???? relations, expanding the framework of our strategic partnership and cooperation, both within the Euro-Atlantic dimension , as well as bilaterally.
Победата на Силјановска денеска ѝ ја честитаа и евроамбасадорот во земјава, Дејвид Гир и еврокомесарот за проширување, Оливер Вархеји.