За тврдењата од невладините организации дека во Баку не бил презентиран ист закон со тој што е доставен во Собранието, министерот Едмонд Адеми кој ја предводеше македонската делегација во Баку, категорично вели дека тоа не е точно.
„Во јануари е пратена верзија на законот. Знаете, легислативата и законот е процес. Во април е пратена втората верзија во Баку, онаа што е усвоена на седница на Влада. Ако ги читате заклучоците од Баку, УНЕСКО ја поздравува одлуката на Владата за усвојување на Законот што е сега во Парламент. Значи не е точно дека во УНЕСКО е пратена друга верзија, а во Парламент друга,
вели Адеми.
Тој во интервју за Радио Слободна Европа не посочи колку дивоградби ќе бидат отстранети во дадениот рок од УНЕСКО. Вели дека тоа не е задача на Владата, туки задача на општината и зависи од нејзините капацитети и можности.
„Се надевам и верувам дека до февруари голем дел, ако не се, барем голем дел од нив да бидат расчистени. Kако што изјави и премиерот, доколку општината нема капацитети и можности тоа да го реши, доколку се обрати до Владата, таа ќе излезе во пресрет,
изјави Адеми.
Тој ја обвини претходната влада дека сноси голем дел од вината зошто Охрид и Охридскиот регион се во ваква состојба. Вели дека препораките и забелешките од УНЕСКО за Охрид не се од вчера, туку од 2009, 2010 и 2013 година.
„Голем дел од тие дивоградби со законот за легализација кога е донесен 2009 се во времето тогаш. Сега ситуацијата е таква каква што е, проблемот е во наши раце и оваа влада ќе испорача резултати“,
изјави Адеми.