Абазовиќ: Жално е што организираниот криминал сè уште ги користи своите пипци за да ги уредува односите во политиката

Поранешниот премиер на Црна Гора Дритан Абазовиќ во првата изјава по синоќешното изгласување недоверба на неговата Влада, кажа дека работите сега се многу појасни и упати честитки за како што ја нарече „новата коалиција на Алекса Бечиќ и Мило Ѓукановиќ“.

„Подготвени сме да извршиме примопредавање. Ова е најинклузивната Влада што некогаш постоела, без реваншистички однос кон никого. Би сакал секоја наредна да биде таква“,

кажа Абазовиќ на синоќешната прес-конференција.

По тримесечно владеење, падна Владата на Дритан Абазовиќ

Тој воедно кажа дека жали што организираниот криминал и понатаму ги користи сите свои можности за да ги уредува политичките односи во Црна Гора но и дека е горд на тоа што неговиот кабинет го сработе за овие три и пол месеци.

„Горд сум на сето она што го направивме за 100 дена. Ќе останеме запаметени како влада која траеше најкратко. Ќе направиме се за владата што ќе се формира по изборите да ја води Црна Гора во ЕУ“,

рече Абазовиќ.

Откако Абазовиќ ги прозва надлежните да го истражат случајот со заплена на цигари, од обвинителството најавија дека тој ќе биде сослушан

Тој рече дека УРА нема да учествува во нова Влада која би се формирала пред одржување на нови парламентарни избори.