Од снимката се чини дека Трамп задремал за време на говорот на кинескиот претседател. Сепак, не е јасно дали тој всушност спиел или само накратко ги затворил очите

Американскиот претседател Доналд Трамп е снимен со затворени очи за време на говорот на кинескиот претседател Си Ѓинпинг на самитот на АПЕК во Шенжен. Снимката е направена за време на денешната пленарна сесија, пред очекуваната средба меѓу Трамп, Ѓинпинг и рускиот претседател Владимир Путин.
Видео објавено на Инстаграм, а кое го пренесуваат светските медиуми, го покажува Трамп како седи со затворени очи додека Ѓинпинг им се обраќа на лидерите што присуствуват на самитот. Камерата го покажа и Путин, кој чита документ пред него, објави Би-би-си.
EMBARRASSING on the world stage: Donald Trump falls asleep during the APEC summit in China https://t.co/yTmBWYIHxh
— Republicans against Trump (@RpsAgainstTrump) November 19, 2026
Од снимката се чини дека Трамп задремал за време на говорот на кинескиот претседател. Сепак, не е јасно дали тој всушност спиел или само накратко ги затворил очите.
Ѓинпинг зборуваше за економската соработка меѓу земјите од Азиско-пацифичкиот регион, слободната трговија и технолошкиот развој за време на својот говор.
Снимката е објавена пред првиот заеднички состанок на претседателите на САД, Русија и Кина, кој се одржува на маргините на самитот на АПЕК.
