Целта на пакетот беше претседателот на Русија, Владимир Путин да се лиши од ресурсите кои ѝ се потребни на Москва за продолжување на војната во Украина, како и да се санкционираат руските официјални лица, банки и „флотата во сенка“ која ја чинат танкери со кои руските енергенси продолжуваат да стигнуваат до дестинациите
Претседателот на Соединетите Американски Држави (САД), Доналд Трамп потпиша извршна уредба со која се одложува примената на новиот, сеопфатен пакет санкции против Русија, со образложение до Конгресот дека таа одлука е во национален интерес.
Трамп лично го потпиша законот минатиот месец, а неговиот вчерашен потег уследи само два дена пред рокот за негова примена, кој беше утврден со закон.
Законот, кој го носи името по покојниот сенатор од Јужна Каролина, Линдзи Греам, имаше за цел побрзо да го сузбие приливот на средства кои го поттикнуваат воениот судир во Украина.
Целта на пакетот беше претседателот на Русија, Владимир Путин да се лиши од ресурсите кои ѝ се потребни на Москва за продолжување на војната во Украина, како и да се санкционираат руските официјални лица, банки и „флотата во сенка“ која ја чинат танкери со кои руските енергенси продолжуваат да стигнуваат до дестинациите.
На Трамп исто така му беше наложено да воведе царини во висина до сто отсто за петте најголеми увозници на руска нафта или природен гас, со исклучок за земјите кои увезуваат помалку од 15 отсто од рускиот извоз на гас и кои презедоа значајни чекори кон намалување на тој увоз.
Белата куќа не објасни како суспендирањето на санкциите е во национален интерес, откако таа одлука доцна синоќа беше објавена на нејзиниот веб-сајт.
Трамп минатата недела постигна изненадувачки договор во кој наведе дека Русија веднаш ќе испорача повеќе од 300 000 тони дизел гориво, по што во ноември ќе следат дополнителни 500 000 тони, а веднаш потоа уште еден милион тони.
Склучувањето договор за дизел на Трамп со Путин наиде на остри критики и од републиканците и од демократите, кои сметаат дека тоа ќе ѝ помогне на Русија во водењето на војната против Украина.