На митингот, американскиот претседател повтори дека САД нема да му дозволат на Иран да развива нуклеарно оружје, нарекувајќи ја земјата главен светски спонзор на тероризмот
Американскиот претседател Доналд Трамп оцени дека Соединетите Американски Држави (САД) можеби претерале со нападите врз иранското раководство, посочувајќи дека елиминацијата на високи ирански функционери ги отежнала напорите на Вашингтон да најде соговорници за преговори за завршување на конфликтот.
„Можеби отидовме предалеку со нивните лидери, бидејќи веќе не знаеме со кого, по ѓаволите, имаме работа. Искрено, тешко ни е воопшто да најдеме некого со кого би преговарале“,
изјави Трамп на митинг во американската сојузна држава Охајо.
Според него, Вашингтон можел да запре со нападите во порана фаза, оценувајќи дека следните фази на воената операција можеби биле чекор предалеку. Притоа, тој не објасни на што точно се однесуваат нивоата што ги спомена.
Американскиот претседател рече и дека потенцијалните кандидати не сакаат да ја преземат функцијата претседател на Иран.
Trump on Iran: We might have gone too far with the leaders because we don’t know who the hell we’re dealing with anymore. We’re having a hard time figuring out who the hell to deal with, to be honest with you. I think we went too far. We could have stopped at level one. Level two and level two and a half was probably going too far.
— Clash Report (@clashreport) October 13, 2026
На митингот, Трамп повтори дека САД нема да му дозволат на Иран да развива нуклеарно оружје, нарекувајќи ја земјата главен светски спонзор на тероризмот.
И покрај признанието дека нападите врз иранското раководство ги усложниле можностите за преговори, Трамп тврдеше дека американските воени операции практично ги уништиле воздухопловните сили и морнарицата на Иран.
На крајот од изјавата вели дека Иран ги загубил сите 159 бродови, за кои рече дека мирно почиваат на морското дно.