Па така, од полноќ бензинот еуросупер БС-95 ќе се продава за 93 денари за литар, еуросупер БС-98 ќе чини 95 денари за литар, а цената на дизелот ќе биде 101,5 денари за литар
Од ноќеска на полноќ горивата ќе се продваат по нови повисоки цени.
Според одлуката на Регулаторната комисија за енергетика (РКЕ), дизелот ќе се продава поскапо за три и пол денари, а бензините ќе бидат со цена повисока за денар и половина.
Па така, од полноќ бензинот еуросупер БС-95 ќе се продава за 93 денари за литар, еуросупер БС-98 ќе чини 95 денари за литар, а цената на дизелот ќе биде 101,5 денари за литар.
Екстралесното масло за домаќинства поскапува за два денари и тоа ќе се продава за 100,5 денари за литар.
За 1,850 денари за килограм се зголемува цената на мазутот и сега ќе изнесува 45,576 денари за килограм.
Од РКЕ велат дека трговците на големо и на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките цени.