Нискобуџетната авиокомпанија „Визер“ објави дека со повторното отворање на рутите од аеродромите во Скопје и Охрид, на кои од вчера се опслужуваат патнички летови по пауза од 3,5 месеци поради мерките за пандемијата со ковид-19, патниците можат да резервираат карти за 34 различни дестинации.
Авиокомпанијата денеска соопшти дека моменталните рути што ги опслужуваат од Скопје се на дестинациите: Салзбург, Брисел Шарлероа, Ларнака, Копенхаген, Турку, Париз Бове, Берлин Шенефелд, Бремен, Келн, Дортмунд, Франкфурт Хан, Фридрихсхафен, Хамбург, Хановер, Карлсруе/Баден-Баден, Меминген/Минхен Запад, Нуремберг, Будимпешта, Милано Малпенса, Рим Чампино, Малта, Ајндховен, Осло Сандефјорд Торп, Барселона Ел Прат, Гетеборг Ландветер, Малме, Стокхолм Скавста, Векше и Лондон Лутон. Од Охрид, пак, се лета до Виена, Дортмунд, Милано Малпенса, Малме и Лондон Лутон.
Од компанијата најавија дека за да се осигураат здравјето и благосостојбата на патниците и екипажот се воведуваат нови протоколи: патниците треба да се чекираат и да ги купат сите дополнителни услуги онлајн, како на пример, плаќање дополнителни торби, за да ја намалат интеракција на аеродромот и да се придржуваат на новите правила за физичко растојание при влегување и излегување од авионот.