Погледнете го новото издание на емисијата „360 степени”, емитувано на 29 јуни 2026 г. на МРТ 1, во кое гостува претседателот на Регулаторната комисија за енергетика, Ацо Ристов
Зголемувањето на дневниот интервал на евтина струја би било сезонско, тоа би важело во периодот од април до септември – вели претседателот на Регулаторната комисија за енергетика (РКЕ), Ацо Ристов, кој гостува во новото издание на емисијата „360 степени“ на МРТ 1. Но, нагласува дека анализите се во тек и дека допрва ќе се носат одлуките – дали ќе има промени во блок-тарифите и дали и како би се смениле периодите на евтина струја. Едно од прашањата до Ристов е – дали е остварливо домаќинствата да добијат просечно од 5 до 10 отсто пониски сметки за електрична енергија, како што рече неодамна премиерот Христијан Мицкоски. Со првиот човек на РКЕ разговараме и што преовлада за неговиот избор на функцијата – професионалната биографија или партиското искуство. Тема се и инпутите за новата цена на парното што треба да се знае до крајот на јули, може ли државата да ја гради „Чебрен“, како го замислува евентуалното учество на граѓаните во изградбата на овој капитален проект и што значи неодамнешната посета на Кина низ призмата на стратешкото позиционирање на државата.