Надлежниот јавен обвинител до судијата на претходна постапка при Основниот суд во Битола достави предлог за определување мерка притвор за осомничениот, поради опасност од бегство
Основното јавно обвинителство (ОЈО) Битола донесе наредба за спроведување истражна постапка против 33-годишен маж, за кого постои основано сомнение дека сторил кривично дело убиство при вршење семејно насилство.
Во описот за случајот од Обвинителството информираат дека утрово осомничениот ја лишил од живот својата поранешна вонбрачна партнерка, со која имал четири малолетни деца.
„Откако се уверил дека нејзиниот татко не е во домот, влегол во куќата во која жртвата престојувала, додека таа спиела, и со нож и нанел повеќе убоди во телото, од кои починала на лице место“,
се вели во соопштението од Обвинителството.
Надлежниот јавен обвинител до судијата на претходна постапка при Основниот суд во Битола достави предлог за определување мерка притвор за осомничениот, поради опасност од бегство.
Утринава дежурен јавен обвинител од ОЈО Битола изврши увид на местото во битолската населба Баир, каде што беше убиена 31-годишната А. В. од Битола.
Од местото на убиството се земени траги и материјални докази кои ќе бидат предмет на вештачење, а дополнително е издадена наредба за обдукција на телото на починатата.
Претходно од полицијата информираа дека 31-годишната жена е убиена од страна на својот сопруг, со кого не живеела заедно. Тој рано утринава ја нападнал со нож, а таа им подлегнала на повредите.
Поврзани вести: