Верификацискиот код, како што појаснуваат од Министерството за внатрешни работи, се однесува за потврда дека телефонскиот број, кој сопственикот го оставил на шалтерот на МВР при регистрација на возилото, е лично негов. Целта е да се избегнат грешки при испраќањето на казните за регистрираните прекршоци од страна на „Безбеден град“
За да се избегнат какви било грешки при испраќањето на казните од „Безбеден град“, при регистрација на своите возила во станиците за технички преглед или во управните служби, сопствениците на возилата ќе добијат код за верификација на својот мобилен телефон или на својата мејл-адреса.
Верификацискиот код, како што појаснуваат од Министерството за внатрешни работи, се однесува за потврда дека телефонскиот број, кој сопственикот го оставил на шалтерот на МВР при регистрација на возилото, е лично негов.
„При регистрација на возилата во станиците за технички преглед или во управните служби, откако сопственикот на возилото на шалтерот на МВР ќе го остави бројот од својот мобилен телефон и електронска меил адреса, на својот мобилен телефон и на електронската мејл-адреса добива порака со код за верификација и потврда дека бројот што го оставил е лично негов“,
информираа денеска од МВР.
Ваквата измена, како што посочуваат оттаму, е со цел да се избегнат какви било грешки при испраќањето на казните за регистрираните прекршоци од страна на „Безбеден град“, за кои возачите и натаму ќе бидат известувани преку СМС-порака или електронска пошта.