Според одлуката на РКЕ, дизел-горивото од ноќеска ќе поевтини за 2,5 денари за литар, а цените на бензините ќе се зголемат за 2 денари за литар
Горивата од ноќеска на полноќ ќе се продаваат по нови цени – одлучи Регулаторната комисија за енергетика (РКЕ) утврдувајќи ги највисоките малопродажни цени на нафтените деривати и горива за транспорт.
Според одлуката на РКЕ, дизел-горивото од ноќеска ќе поевтини за 2,5 денари за литар, а цените на бензините Еуросупер БС-95 и Еуросупер БС-98 ќе се зголемат за 2 денари за литар. Малопродажната цена на екстралесното масло за домаќинство од полноќ се намалува за 1 денар за литар.
Па така, литар дизел од полноќ ќе се продава за 91,5 денари, бензинот Еуросупер БС-95 ќе чини 82,5 денари за литар, а литар од бензинот Еуросупер БС-98 ќе се продава по цена од 84,5 денари.
Екстралесното масло ќе чини 96 денари за литар. Малопродажната цена на мазутот се зголемува за 0,368 денари по килограм и од полноќ ќе се продава за 46,656 денари за килограм.