Новото издание на информативно-аналитичкиот магазин „360 степени” се емитува вечерва (9 април 2026 г.) од 20:15 часот на МРТ 1
Теми за ова издание:
– сега кога емоциите не се пред разумот, решивме да направиме долгорочна анализа на единствените релевантни податоци кои покажуваат дали оваа зима дишевме полош, ист или подобар воздух споредено со претходните години;
– изведувачот, проектантот и ревидентот си ја префрлаат одговорноста за пробиените рокови и 51. анекс на договорот за реконструкција на стара Комерцијална; од инвеститорот СОЗР велат дека биле на крстопат дали да ја продолжат реконструкцијата или да го раскинат договорот;
– граѓаните и бизнисот не треба да очекуваат да ги спасува Владата, државата нема голем фискален простор да се задолжува или да се откажува од приходи, порачува универзитетскиот професор и член на тимот на „Фајненс тинк“, Марјан Петрески;
– како да се префрли водењето на фирмата од сегашната на следната генерација и бизнисот да не пропадне туку да продолжи да се развива – одговорот може да го даде бизнис-дијагностиката;
– „Саботажа“.
Емисијата се емитува од 20:15 часот на МРТ 1.