„И. Р. (27) од Росоман сам се пријавил во СВР Велес дека утрово околу 7:30 часот во семејниот дом со употреба на остар предмет ѝ нанел убодни рани на неговата 54-годишна мајка, која починала од здобиените повреди“, велат од полицијата
Син утрово со остар предмет ја убил мајка си во семејниот дом во Росоман, по што сам се пријавил во полиција, информираат денеска од Секторот за внатрешни работи (СВР) Велес.
Убиството, како што се вели во полициското соопштение, 27-годишниот син го извршил со остар предмет, нанесувајќи ѝ убодни рани на неговата 54-годишна мајка, по што таа починала.
„На 30.03.2026 година, полициски службеници од ОВР Кавадарци го лишија од слобода И. Р. (27) од Росоман. Во СВР Велес тој сам се пријавил дека утрово околу 7:30 часот во семејниот дом со употреба на остар предмет ѝ нанел убодни рани на неговата 54-годишна мајка, која починала од здобиените повреди“,
се вели во полицискиот билтен.
Смрт констатирал лекар од Итната медицинска помош.
На местото на настанот увид врши јавен обвинител од Основното јавно обвинителство (ОЈО) Кавадарци и полициска екипа од кавадаречкото Одделение за внатрешни работи.