Испраќал закани дека ќе постави бомба и ќе изврши напад во средно училиште во Тетово, приведен е 15-годишник

Полицијата изврши претрес во дом и помошни простории што се во сопственост на неговиот татко Б.М. (44), при што се пронајдени предмети за кои постои сомнение дека потекнуваат од кривично дело

Приведен е 15-годишник од тетовско Џепчиште, осомничен за испраќање закани дека ќе постави експлозивна направа и ќе изврши напад во средно училиште во Тетово, информираат од Министерството за внатрешни работи (МВР).

Полицијата вчера го привела осомничениот, а претрес е извршен во дом и помошни простории што се во сопственост на неговиот татко Б.М. (44).

При претресот, според полицијата, се пронајдени предмети за кои постои сомнение дека потекнуваат од кривично дело.

На настанот присуствувале и претставници од Цнетарот за социјални работи во Тетово.

По целосно документирање на случајот, како што информираат од СВР Тетово, ќе биде поднесена соодветна пријава.

Се заканувал дека ќе убива и ќе постави бомби во средно училиште во Тетово – приведен 18-годишник

Инаку, вчера е приведен осумнаесетгодишник од тетовското село Палатица откако испраќал пораки до ученици во средното медицинско училиште „Никола Штејн“ во Тетово дека ќе постави бомби и ќе изврши убиства во училиштето.