Командирот на Противпожарната бригада на Град Скопје, Звонко Томевски, за „360 степени“ изјави дека огнот е изгаснат и пожарникарите се веќе вратени од терен. Како што ни изјави тој, станувало збор за депонија
Црн густ час попладнево можеше да забележи во населбата Гази Баба, а како што информираа од Центарот за управување со кризи (ЦУК), било пријавено лице што горело кабли во населбата Маџари.
„Во населбата Маџари, кај црквата зад пругите, пријавено е дека лице гори кабли, при што се создава густ црн чад“,
рекоа од ЦУК.
Случајот бил пријавен на бројот 112, по што екипа на скопската противпожарна бригада и полицијата се упатиле на местото.
Командирот на Противпожарната бригада на Град Скопје, Звонко Томевски, за „360 степени“ изјави дека огнот е изгаснат и пожарникарите се веќе вратени од терен. Како што ни изјави тој, станувало збор за депонија.
„Интервенирано е со едно противпожарно возило и тројца пожарникари, по што пожарот е целосно изгаснат“,
вели Томевски кој додаде дека станува збор за помала интервенција.
Причините за пожарот, додаде тој, ќе ги утврдат надлежните органи.