Истрагата покажала дека во периодот од 2024 до 2025 година, првопријавената Г.Ш. овозможувала користење сексуални услуги во Тетово. Активностите се одвивале во помошен објект кој бил дел од куќата на 60-годишниот Г.Н.

Секторот за внатрешни работи Тетово поднесе кривични пријави против две лица за сторено дело посредување во вршење проституција.
Според МВР, кривично се гонат 40-годишната Г.Ш. од скопското село Бојане која е осомничена за посредување во вршење проституција и 60-годишниот Г.Н. од Тетово кој е осомничен за помагање при извршување на делото.
Истрагата покажала дека во периодот од 2024 до 2025 година, првопријавената Г.Ш. овозможувала користење сексуални услуги во Тетово. Активностите се одвивале во помошен објект кој бил дел од куќата на 60-годишниот Г.Н.
Второпријавениот, според полицијата, со умисла и свесно помагал во вршењето на дејноста, на тој начин што ги ставал на располагање просториите од својот имот за потребите на Г.Ш.
