Вулканот Семеру вчера еруптираше повеќе пати, исфрлајќи огромни облаци од пепел, лава и камења дури 13 километри по падините. Со тоа, тревогата од опасност стана висока
Индонезиските власти евакуираа повеќе од 900 луѓе поради силни ерупции на вулканот Семеру на островот Јава, пренесува Ројтерс.
Олеснето им е и враќањето на 170 алпинисти што беа заглавени во камп на подножјето на вулканот, некаде околу шест километри од кратерот.
Вулканот Семеру вчера еруптираше повеќе пати, исфрлајќи огромни облаци од пепел, лава и камења, дури до 13 километри по падините. Со тоа, тревогата од опасност стана висока.
На видеоснимките од индонезиската агенција за вулканологија се гледа како огромен облак од жешка пепел се издига од кратерот и ги покрива падините на вулканот.
Последната голема ерупција на овој вулкан беше во декември 2021 година, кога загинаа најмалку 51 лице, а блиските села беа покриени со пепел.
Вулканот Семеру, висок 3 676 метри и е еден од околу 130 активни вулкани во Индонезија.
Земјата се наоѓа на „Тихоокеанскиот огнен прстен“, високо сеизмички активна зона каде што се среќаваат тектонските плочи, создавајќи бројни земјотреси и вулкани.
The dramatic advance of a glowing pyroclastic flow from Mount Semeru was captured today by AfarTv’s live webcam.
— Weather Monitor (@WeatherMonitors) November 19, 2025
📍East Java, Indonesia. pic.twitter.com/4GUIgsJoDZ
Агенцијата за спасување на Источна Јава распореди десетици работници за да помогнат во евакуацијата на жителите околу вулканското подрачје.