Потпишувањето на договорот, како што порачаа претседателот на Европскиот совет и еврокомесарката за проширување, е голем чекор во соработката меѓу двете земји, но и поттик за регионалниот просперитет
Претседателот на Европскиот совет Антонио Кошта и еврокомесарката за проширување Марта Кос го поздравија потпишувањето на договорот помеѓу Северна Македонија и Бугарија за изградба на меѓуграничниот железнички тунел помеѓу двете земји, кој е дел од пругата во рамките на Коридорот 8.
„Го поздравувам потпишувањето на договорот за прекуграничен тунел меѓу Бугарија и Северна Македонија – кој е голем чекор во соработката меѓу двете земји и промовира добрососедски односи. Покрај развојот на билатерални врски, новата железница ќе го поттикне регионалниот просперитет и ќе ја зајакне нашата заедничка безбедност!“,
порача претседателот на Европскиот совет Антонио Кошта во објава на Икс.
I welcome the signing of the Corridor 8 cross-border tunnel agreement between Bulgaria and North Macedonia— a big step forward in the cooperation between the two countries and promotes good neighbourly relations. Besides developing bilateral bonds, the new railway will boost…
— António Costa (@eucopresident) November 7, 2025
Потпишувањето на договорот го поздрави и еврокомесарката Марта Кос.
„Бугарија и Северна Македонија се согласија да ја унапредат работата на Коридорот 8. Ова е клучен проект што ги поврзува Јадранското Море со Црното Море преку пат и железница и важен чекор за градење доверба преку регионална поврзаност, заеднички просперитет и контакти меѓу луѓето“,
порача Кос.
Bulgaria & North Macedonia agreed to advance work on Corridor VIII.
— Marta Kos (@MartaKosEU) November 6, 2025
A key project connecting the Adriatic Sea with the Black Sea via road & rail.
This is an important step to build trust through regional connectivity, shared prosperity & people to people contacts.
Вицепремиерот и министер за транспорт Александар Николоски и неговиот бугарски колега Гроздан Караџов вчера во Ѓуешево го потпишаа Договорот за подготовка, изградба и оперативност на меѓуграничниот железнички тунел меѓу Македонија и Бугарија, кој е дел од пругата на Коридорот 8. Со тоа, двете земји ги дефинираат меѓусебните обврски за изградба на тунелот чија проектираната должина е околу 2,4 километри, од кои 1,2 километри се на територијата на Македонија, а другите 1,2 километри на Бугарија.