Досега се пријавени детонации во Харков и Изјум (Харковски Регион), Кропивницки (Кировградски регион) и Полтава. Експлозии се пријавени и во Чернигов
Американскиот претседател Доналд Трамп вчера за време на прес-конференција во Овалната соба во Белата куќа го повика рускиот претседател Владимир Путин да престане да ги убива Украинците. Се очекува тој утре да се сретне со украинскиот претседател Володимир Зеленски во Белата куќа, каде двајцата лидери ќе разговараат за можноста САД да го снабдуваат Киев со ракети „Томахавк“
Уште од рано утрово, Русија започна ракетен напад со големи размери врз Украина, насочен кон градови во неколку региони. Низ целата земја се активирани предупредувања за опасност од воздух.
Прво, украинските воздухопловни сили издадоа општо предупредување за ракетна закана, предупредувајќи дека Русија лансира бомбардери МиГ-31, што можат да носат хиперсонични ракети „Кинжал“.
Потоа, експлозии одекнаа во неколку украински градови. Досега се пријавени детонации во Харков и Изјум (Харковски регион), Кропивницки (Кировградски регион) и Полтава.
По второто предупредување, експлозии се пријавени во Чернигов, а во Харков имало и нова серија детонации.
Нападите сè уште се во тек, а информациите за штетите и жртвите сè уште не се достапни.
Според украинските воздухопловни сили, во последниот руски напад се користени балистички и крстосувачки ракети, како и беспилотни летала од типот „Шахед“.
❗️🇷🇺⚔️🇺🇦 – Massive Russian Attack on Ukraine: Kinzhal Threat Triggers Nationwide Alert
— 🔥🗞The Informant (@theinformant_x) October 16, 2025
Powerful explosions have ignited major fires in Ukraine's Poltava and Kharkiv regions after reports of a Russian MiG-31K fighter jet takeoff—the key launcher for hypersonic Kinzhal missiles.… pic.twitter.com/W0i7SFJc9k
Американскиот претседател Доналд Трамп вчера за време на прес-конференција во Овалната соба во Белата куќа го повика рускиот претседател Владимир Путин да престане да ги убива Украинците. Се очекува тој утре да се сретне со украинскиот претседател Володимир Зеленски во Белата куќа, каде двајцата лидери ќе разговараат за можноста САД да го снабдуваат Киев со ракети „Томахавк“.
Русија предупреди дека ракетите „Томахавк“ би претставувале значителна ескалација на состојбата и агресивен одговор.
Москва ги засилува масовните напади врз енергетската инфраструктура на Украина пред почетокот на зимата, предизвикувајќи прекини на електричната енергија и големи штети на критичните објекти.
Масивен ракетен напад врз Киев на 10 октомври ја оштети градската термоцентрала и остави стотици илјади домаќинства без електрична енергија. Едно дете беше убиено во нападот, а 24 лица беа повредени.