Претседателот на Србија, Александар Вучиќ, е еден од ретките европски лидери кој отворено застана во одбрана на претседателот на САД Доналд Трамп и за неговото менаџирање на анти-расистичките протести.
Српскиот претседател Вучиќ смета дека претседателот на САД, Доналд Трамп е соочен со „сериозен и тежок непријател“ во обидот да ги смири масовните анти-расистички протести поради убиството на Џорџ Флојд.
Во интервју за локалната телевизија во Панчево, Вучиќ го бранеше пристапот на Трамп кој е остро критикуван во повеќето европски држави, пренесува Дојче Веле.
Вучиќ вели дека „се вложуваат огромни пари во кампања против претседателот на САД Трамп“, и дека против него се борат со сите недозволени средства.
„Не заборавајте што му сторија на одредени социјални мрежи. Тоа е скандал над скандалите, од тоа се згрозува секој честит човек кога ќе го види. Имате стотици медиуми кои само зборуваат против вас“,
рече Вучиќ.