Сè уште се активни пожарите во „Јасен“ и во селата Лојане и Табановце, тој кај Јажинце е ставен под контрола

Од ЦУК велат дека утринава пожарот во Општина Јегуновце – помеѓу селата Рогачево, Јажинце и Долно Орешје, каде горат пасишта и мешана шума, е ставен под контрола

Пожарите во повеќенаменското подрачје „Јасен“ во Општина Македонски Брод, како и тие во селата Лојане и Табановце во општините Липково и Куманово сè уште активни, информираат од Центарот за управување со кризи (ЦУК).

Во „Јасен“, пожар што е активен веќе неколку дена, гори мешана шума.

Поради пожарот во „Јасен“, регионалниот пат Македонски Брод – Скопје сè уште е затворен за секаков вид возила.

Директорот на Дирекцијата за заштита и спасување (ДЗС) Стојанче Ангелов вчера соопшти дека во гаснењето на пожарот се вклучени екипи на ЈП „Национални шуми“, ЈП „Јасен“ и на Територијална противпожарна бригада на Град Скопје (БППЗ). За гаснење, напомена Ангелов, се користат сите можни ресурси. 

(ВИДЕО) Пожарите кај Јажинце и во „Јасен“ се најсериозни, се гасне со сите расположливи ресурси

Во пожарите во Лојане и Табановце гори ниска вегетација и мешана шума. Директорот на Центарот за управување со кризи (ЦУК), Мухамед Али, вчера рече дека пожарот во голем дел е локализиран и изгаснат.

Во акцијата дејствувал полициски хеликоптер, две екипи на Територијалната противпожарна единица од Куманово, како и екипи на „Национални шуми“. Во гаснењето на пожарот учествувало и локалното население

Голем дел од пожарот над Лојане во Општина Липково е локализиран и изгаснат, информира ЦУК

Од ЦУК велат дека утринава пожарот во Општина Јегуновце – помеѓу селата Рогачево, Јажинце и Долно Орешје, каде горат пасишта и мешана шума, е ставен под контрола.

Според информациите од ЦУК, денеска до 8 часот, изгаснати се 24 пожари на отворен простор каде во најголем дел гореле ниска вегетација, стрништа, ливади и депонии.