Францускиот претседател Емануел Макрон рече дека нападот со нож е без никакво сомневање акт на исламистички тероризам
Едно лице загина, а неколкумина се повредени во напад со нож што попладнево се случил во Мулхаус, Франција, пренесува „Гардијан“.
Во нападот загинал 69-годишен Португалец, додека меѓу повредените има и припадници на градската полиција. Националното обвинителство за борба против тероризмот потврди дека меѓу жртвите има и цивил кој се обидел да интервенира, додека тројца полицајци се ранети.
Нападот се случил во близина на покриен пазар, а напаѓачот пред да биде уапсен извикал „Господ е голем“ (Алаху акбар).
Францускиот претседател Емануел Макрон рече дека нападот со нож е без никакво сомневање акт на исламистички тероризам.
Според Канцеларијата на антитерористичкото обвинителство (ПНАТ), осомничениот напаѓач е маж од Алжир кој е уапсен и кој бил на списокот за следење за спречување тероризам.
🇫🇷 Otro atentado en Mulhouse, Francia. En el ataque con cuchillo ha muerto una persona y otras cinco han sido heridas.
— Roberto Vaquero (@RobertoVaquero_) February 22, 2025
Según varios medios franceses, se trataría de un inmigrante con una orden de expulsión vigente. pic.twitter.com/kC7vc0Cxed
Тој бил под судски надзор и домашен притвор, а имал и наредба за протерување од Франција.
Еден од тешко ранетите полицајци се здобил со повреда на каротидната артерија, а другиот на градниот кош.
Градоначалничката на Мулхаус, Микеле Луц, на својот фејсбук-профил пишува дека градот го зафатил хорор додавајќи дека судството ќе треба да потврди дали станува збор за терористички напад.
Националното обвинителство за антитероризам покрена истрага за убиство поврзано со терористички активности и обид за убиство на службеници.