Руте изрази „топли честитки“ до Трамп за неговата инаугурација како 47. претседател на САД и до Џеј-Ди Венс како негов потпретседател
Генералниот секретар на НАТО, Марк Руте, очекува враќањето на Доналд Трамп на местото претседател на Соединетите Американски Држави (САД) брзо и значително да ја зајакне западната воена алијанса.
„Со враќањето на претседателот Трамп на функцијата, со турбопогон, ќе ги зајакнеме одбранбената потрошувачка и производство“,
објави Руте на социјалната мрежа Икс.
With President Trump back in office we will turbo-charge defence spending & production
— Mark Rutte (@SecGenNATO) January 20, 2025
My warm congratulations to @realDonaldTrump on his inauguration as 47th President of the USA, and to @JDVance as Vice President
Together we can achieve peace through strength – through @NATO!
Руте изрази „топли честитки“ до Трамп за неговата инаугурација како 47. претседател на САД и до Џеј-Ди Венс како негов потпретседател.
„Заедно можеме да постигнеме мир преку сила – преку НАТО“,
заклучи Руте.
Трамп ги повика земјите-членки на НАТО да одвојат пет отсто од својот бруто домашен производ за одбраната, наспроти претходната цел на НАТО од два отсто. Новата цел за повеќето земји-членки би значела удвојување или повеќе од двојно зголемување на распределбите.