Неколку хеликоптери се распоредени за да ги спасат скијачите кои сè уште се заробени на жичницата и да ги пренесат повредените во блиските болници
Десетици лица се повредени при уривање на жичница во североисточната шпанска скијачка област Астун, во регионот на Арагон, информираат од регионалната влада, пренесува „Гардијан“
Според информациите со кои располагаат властите во Арагонија, девет од повредените лица се со многу сериозни повреди, а осум други се со потешки повреди.
Околу 80 луѓе се заробени во жичницата што виси над терените, пренесува државниот канал ТВЕ.
„Како да се откачи кабел, столовите отскокнаа и луѓето беа отфрлени“,
вели сведок за ТВЕ.
Како што пренесуваат дел од светските медиуми, првичните резултати од истрагата покажуваат дека проблемот со кабелот за поддршка можеби предизвикал жичницата да се помести од својата основа.
Сепак, причината за дефектот на кабелот засега останува непозната.
На социјалните мрежи веќе се појавија слики и видеоснимки од луѓе кои лежат на снегот под жичницата.
Están enviando ambulancias desde Zaragoza a Astún. Son 2 horas de carretera.
— Jefe Hispano (@JefeHispano) January 18, 2025
¿Cuántas había activas en el valle de Aragón? ¿Y en Huesca en general?.
Pésima gestión ante este grave accidente al desprenderse un telesilla en la estación de esquí. pic.twitter.com/FM15n6IKM7
Раководството на ски-центарот одби да коментира и веднаш не можеше да каже дали меѓу повредените има и странски државјани, се вели во написот на „Гардијан“.
Неколку хеликоптери се распоредени за да ги спасат скијачите кои сè уште се заробени на жичницата и да ги пренесат повредените во блиските болници.
Шпанската компанија „Гардија цивил“ сподели видео од хеликоптер кој лета покрај местото на настанот пред да слета со екипите за итна помош за да помогнат во спасувачките напори.
Десетици луѓе сè уште виселе од 15 метри високата жичница, објави еден од шпанските јавни радиодифузери.
Премиерот Педро Санчез рече дека е шокиран од извештаите.
„Шокирани сме од веста за несреќата во Астун. Разговарав со претседателот на регионот за да му ја понудам целосна поддршка од владата. Сета наша љубов кон повредените и нивните семејства“,
напиша тој на Икс.
Impactado por las noticias del accidente en la estación de #Astún. He hablado con el presidente de Aragón @Jorge_Azcon para ofrecerle todo el apoyo del Gobierno.
— Pedro Sánchez (@sanchezcastejon) January 18, 2025
Todo nuestro afecto para los heridos y sus familias.
Претседателот на регионот, Хорхе Азкон, на Икс напиша дека сите потребни служби на владата работат на помош на погодените и повредените луѓе. Ски-центарот Астун, главно популарен меѓу шпанските скијачи, се наоѓа во планинскиот венец Пиринеи на границата со Франција.