Веднаш е повикана Итна медицинска помош, а фудбалерите од двата тима направија штит околу него, за да не се фотографира или снима интервенцијата на докторите
Натпреварот од 14. коло на италијанското првенство меѓу Фиорентина и Интер е прекинат за време на првото полувреме, зашто играчот на тимот од Фиренца, Едоардо Бове, ненадејно се онесвести на фудбалскиот терен, пренесува италијанскиот медиум „Скај спорт“.
Фудбалерот на Фиорентина, Бове, колабира на тревата во 16. минута од полувремето, додека ги врзуваше врвките од копачките.
Веднаш е повикана Итна медицинска помош, а фудбалерите од двата тима направија штит околу него, за да не се фотографира или снима интервенцијата на докторите.
Situazione drammatica allo stadio Franchi di Firenze, dove al minuto 17 il giocatore della #Fiorentina Edoardo Bove si è accasciato a terra. Intervenuti i sanitari, trasportato via in ambulanza. Gara sospesa in attesa di ulteriori comunicazioni. #FiorentinaInter pic.twitter.com/4kOr6KKdwy
— Matteo Dovellini (@MatteoDovellini) December 1, 2024
Голем дел од навивачите на стадионот со солзи ја чекаа веста за неговата состојба од болница.
Според последните информации од италијанските медиуми, состојбата на Бове е стабилна.