По серија истражни чекори и дигитални форензички претреси на документи поврзани со корисниците на ИПАРД 2, АРДА и други економски оператори, ОЛАФ открил сериозни неправилности за време на фазата на доделување грантови и спроведувањето на многу проекти
Околу 33 милиони евра обезбедени од Европската Унија како помош за земјоделците во Албанија биле злоупотребени, откри Канцеларијата за борба против измами на ЕУ – ОЛАФ.
Од ОЛАФ препорачале блокада на следниот пакет од 112 милиони евра додека не се преземат мерки за гарантирање на заштитата на финансиските интереси на ЕУ.
„Од апликантите се барало да ѝ платат значителен дел од грантот на локална консултантска компанија, се доделувале договори без конкуренција или преку наместен конкурс (со поднесување лажни понуди), како и надуени цени и прекршување на договорните правила,
се вели во извештајот на ОЛАФ.
По серија истражни чекори и дигитални форензички претреси на документи поврзани со корисниците на ИПАРД 2, АРДА и други економски оператори, ОЛАФ открил сериозни неправилности за време на фазата на доделување грантови и спроведувањето на многу проекти.
Канцеларијата за борба против измами на Европската Унија исто така информира дека копија од наодите е испратена до албанските власти поради можни криминални активности откриени во текот на истрагата.
Покрај блокирањето на фондот од 112 милиони евра за ИПАРД 3, ОЛАФ ѝ препорача на Европската комисија да ги прогласи повиците еден и два од програмата ИПАРД 2 за неважечки.