Најмалку десет метри растојание помеѓу двајца кои трчаат рекреативно или двајца велосипедисти е една од мерките која во Фрација се воведува од 11 мај, како превенција од ковид 19, соопшти тамошното министерство за спорт, пренесе МИА.
Според министерството, овие спортски активности можат да се вршат „без временско ограничување, без да се бара дозвола, во рамките на оддалеченост од домот од помалку од 100 километри“, но забрането е групирање на повеќе од 10 лица на отворено и не смеат да се користат соблекувални кои можат да бидат достапни за активности на отворено.
Сепак, најмногу се инсистира на почитување на специфичните критериуми за растојание меѓу луѓето во зависност од активностите: растојание од најмалку 10 метри помеѓу две лица при велосипедизам и џогирање и соодветна физичка дистанца за активности на отворено, како што се тенис, јога, фитнес. За јога или крос-фит на отворено, ќе биде потребно да се обезбедат 4 квадратни метри простор по човек.
„До 2 јуни ќе има нови препораки за да се процени како да се продолжи со спорт во затворен простор и дисциплини за кои е потребен контакт“,
најавуваат од министерството.