Тој во својот говор се осврна и на, како што рече, неправедните ограничувања со кои се соочила Македонија на својот пат кон ЕУ
Во годината спремна за историски избори низ Европа и во рамките на мојата држава, ВМРО-ДПМНЕ ветува дека ќе предводи економски раст и стабилност. Наша цел е да се залагаме за политики кои стимулираат иновации, ги зајакнуваат малите и средни претпријатија и создаваат можности за македонската младина. Ние веруваме дека динамична економија е основата за процутот на општеството, изјави денеска на Конгресот на Европската народна партија (ЕПП) лидерот на ВМРО-ДПМНЕ, Христијан Мицкоски.
„Нашата посветеност се протега надвор од економски мерки. Посветени сме на збогатување на општественото ткиво на нашата држава. Ние замислуваме општество кое негува инклузивност, каде што секој поединец е ценет и има можност да ја обликува нашата заедничка судбина. Оваа визија подразбира премостување на разликите, гарантирање рамноправен пристап до квалитетно образование и здравствена заштита и залагање за правда и добро владеење“,
истакна Мицкоски.
Клучна компонента на нашата визија за Европа, додаде тој, е обновената посветеност на Западен Балкан. Според Мицкоски, ЕУ мора да ги интензивира своите напори за интегрирање на државите од Западен Балкан обезбедувајќи им јасен пат за членство во Унијата заснован на заслуги.
Тој во својот говор се осврна и на, како што рече, неправедните ограничувања со кои се соочила Македонија на својот пат кон ЕУ.
„Морам да се осврнам и на неправедните ограничувања со кои се соочи мојата држава на својот пат кон Европската Унија. Динамиката меѓу Бугарија и Македонија воведе неоправдани пречки кои негативно влијаеја на нашиот пат кон пристапување во ЕУ. Иако сме посветени на решавање на овие прашања преку дијалог и меѓусебно почитување, императив е да се признае дека овој процес бара реципроцитет. Како колеги европски држави, од витално значење е праведно да се ангажираме едни за други, признавајќи дека нашата заедничка иднина во ЕУ е заемно корисна и меѓусебно поврзана. Европската Унија претставува светилник на надеж за многумина. Наша заедничка должност е да се погрижиме овој светилник подеднакво да свети на сите аспиранти, водејќи ги и поддржувајќи ги во текот на понекогаш тешките реформи неопходни за интеграција“,
истакна Мицкоски.
Лидерот на ВМРО-ДПМНЕ посочи дека Конгресот на ЕПП „треба да нè потсети на нашата колективна одговорност да негуваме Европа која е инклузивна, праведна и ја негува различноста“.