„Бевме јасни дека овие избори покажаа недостатоци во изборните процеси во Србија, кои Србија мора да ги реши. Меѓународната заедница, вклучително и ОБСЕ, е подготвена да помогне“, вели американскиот амбасадор во Белград
На Русија ѝ останаа малку пријатели, особено во Европа. Затоа решија да ги искористат изборите во Србија обидувајќи се да направат раздор меѓу Србија и нејзините евроатлантски партнери. Сè што ѝ нудат на Србија е нестабилност и спротивно на напредокот, изјави за српски „Блиц“, Кристофер Хил, амбасадор на Соединетите Американски Држави (САД) во Белград.
Тој, меѓу другото, одговара и на прашањето за тврдењето на руските функционери дека Западот поттикнува „обоена револуција“ или „Мајдан“ во Србија.
„Ги видов овие изјави и мислам дека се смешни“,
вели Хил.
Како што додаде Хил, во Србија никој не поттикнува револуција.
Според него, Србија е демократска земја, а нејзините граѓани сами одлучуваат за својата иднина.
„Бевме јасни дека овие избори покажаа недостатоци во изборните процеси во Србија, кои Србија мора да ги реши. Меѓународната заедница, вклучително и ОБСЕ, е подготвена да помогне. Но, демократскиот напредок на Србија зависи од нејзините граѓани. Единствениот меѓународен актер кој стои на патот на нејзиниот напредок е Русија ниту Америка, ниту Европа, ниту кој било друг од Запад“,
рече Хил.