Со досега спроведените контроли, како што соопштуваат од АХВ, не се утврдени недоследности од аспект на безбедноста кај новогодишните пакетчиња, но кај некои оператори исклучок е означувањето на задолжителните информации, каде што недостасувале декларации на македонски јазик
Инспекциски служби од Агенцијата за храна и ветеринарство (АХВ) пред претстојните новогодишни и божиќни празници спроведуваат засилени контроли кај операторите со храна, соопштуваат оттаму.
Се проверува, велат оттаму, дали и колку се исполнети општите и потребните услови за безбедност на храната, означувањето и заштитата на потрошувачите од измама.
„Во овој период акцент со контролите е ставен на новогодишните пакетчиња за деца, при што се контролира рокот на употреба на производите кои ги содржат, како и означувањето“,
соопштија од АХВ.
Со досега спроведените контроли, како што соопштуваат од АХВ, не се утврдени недоследности од аспект на безбедноста кај новогодишните пакетчиња, но кај некои оператори исклучок е означувањето на задолжителните информации, каде што недостасувале декларации на македонски јазик.
„Како одговорна институција за безбедноста на храната, апелираме до граѓаните да бидат одговорни купувачи и храна да купуваат од регистрирани/одобрени објекти кои се под контрола на инспекциските служби на Агенцијата за храна и ветеринарство“, велат од АХВ, повикувајќи ги граѓаните секоја недоследност во поглед на безбедноста на храната, да ја пријават во Агенцијата лично, телефонски на бесплатниот број 0 800 3 22 22 или електронски на [email protected]“,
додаваат од АХВ.