(ФОТО) Норвешка се соочува со најголемите поплави во последниве неколку децении, евакуирани илјадници луѓе

Главните патишта во земјата се затворени, а железничките услуги се во прекин во делови од Јужна Норвешка откако реките се излеаја од нивните корита

Норвешка евакуира илјадници лица бидејќи реките се искачија на највисоко ниво во последните 50 години, а во неколку региони домовите и деловните објекти се потопени или се однесени од надојдените води, јави Ројтерс. 

Главните патишта во земјата се затворени, а железничките услуги се во прекин во делови од Јужна Норвешка, откако реките се излеаја од нивните корита. 

Властите предупредуваат на дополнителни поплави што би можеле да следат во наредните денови бидејќи водата се движи кон ниските крајбрежни региони.

Округот Инландет, една од најтешко погодените области во Норвешка, соопшти дека многу луѓе се изолирани од поплавите и дека службите за итни случаи можеби нема да можат веднаш да стигнат до сите на кои им е потребна помош. 

„Ние се наоѓаме во вонредна ситуација од национални размери“,

кажа градоначалникот на Инландет, Ауд Хов.

Владата денеска одлучи да мобилизира повеќе хеликоптери за да учествуваат во евакуацијата, соопшти Министерството за правда и јавна безбедност за „ТВ2“, пренесува Ројтерс. Норвешките власти соопштија дека засега нема пријавено смртни случаи. 

Во последните денови и Шведска и Финска се погодени од силен ветер и дождови, а се соочуваат и со лизгање на земјиштето.

Најмалку 60 лица загинаа во невремето во Кина

Пожар во француско одморалиште за инвалиди, најмалку 11 лица се водат како исчезнати